نيب ۽ ماضي جي احتساب ڪميشن کي هميشه سياسي انجنيئرنگ لاءِ استعمال ڪيو ويو: بلاول زرداري

ڪراچي :- پاڪستان پيپلز پارٽي جي چيئرمين بلاول ڀٽو زرداري چيو آهي ته اٽي –کنڊ بحران تي رڳو وزيرن جي قلمدان تبديل ڪرڻ مان ڪم نه هلندو، پهريان به تحريڪ انصاف جي وزيرن تي الزام لڳا پر صرف عهدا تبديل ڪيا ويا، احتساب نه ٿيو،نجي ٽي وي پروگرام ۾ ڳالهائيندي بلاول چيو ته موجوده بحران تي وزيراعظم کان استيعفيٰ جو مطالبو اُن ڪري جائز آهي ڇاڪاڻ ته پاڻ عمران خان به ماضي ۾ صرف الزام لڳڻ تي استيعفيٰ جو مطالبو ڪندو رهيو آهي، لاڪ ڊائون جي باري ۾ سوال تي بلاول چيو ته لاڪ ڊائون وڌائڻو آهي يا ختم ڪرڻو آهي، اهو عمران خان يا مراد علي شاهه نه پر ڪورونا وائرس ئي ٻڌائيندو، بلاول ڀٽو چيو ته نيب ۽ ماضي جي احتساب ڪميشن کي هميشه سياسي انجنيئرنگ لاءِ استعمال ڪيو ويو، نيب ميڊيا ۾ هٿ وجهي حد پار ڪئي آهي.