عمران خان هر اليڪشن ۾ نئون ڪوڙ ڳالهائڻ بعد يوٽرن وٺندو آهي، گلگت بلتستان جي عوام کي هاڻي لالي پاپ نه، پر پنهنجا حق گهرجن: بلاول زرداري

اسڪردو :- عمران خان هر اليڪشن ۾ نئون ڪوڙ ڳالهائڻ بعد يوٽرن وٺندو آهي، گلگت بلتستان جي عوام کي هاڻي لالي پاپ نه، پر پنهنجا حق گهرجن، پ پ چيئرمين بلاول ڀٽو اسڪردو ۾ چونڊ جلسي کي خطاب ڪندي چيو آهي ته پيپلز پارٽي رڳو چونڊ مهم هلائڻ نه پر گلگت جي عوام جي حقن لاءِ جدوجهد تي نڪتي آهي، گلگت بلستان جي عوام کي به ٻين صوبن جي عوام جهڙا حق ملڻ گهرجن، پيپلز پارٽي سندن آواز اسلام آباد تائين پهچائيندي، پي ڊي ايم سليڪٽيڊ حڪومت ۽ اُن جي سهولتڪارن خلاف تحريڪ شروع ڪئي آهي، ملڪ ۾ جمهوريت ۽ آئين جي بالادستي تائين تحريڪ جاري رهندي